Na aña 1975 Natalie a nace na Aruba
como prome nieta y prome yiu di famia
Geerman. Su infancia e la
lanta na Hulanda y su hubentud na Aruba
den e bario di Pos Chikito den sercania di su
famianan banda di mama esta famia Croes.
Su demas famianan ta di Savaneta y San Nicolas.
Actualmente Natalie ta biba den e bario di Paradera.
Natalie su generacion no ta disconoci den politica.
Su welo Jose Geerman q.e.p.d. tabata un deputado
y a sirbi nos pueblo di Aruba pa mas cu 20 aña den
politica. Na aña 1995 a reconoce su esfuerso y dedicacion na
su isla y a nombra e antes yama Congoweg na su nomber.
Natalie como nieta mayor tabata tin e honor pa revela
e borchi riba dia di inuaguracion.
Natalie su trayecto di estudio por wordo describi
como un di perseverancia. E la cuminsa na E.T.A.O
bay pa Mavo, Havo, Docente di Economia (Bachelor)
y caba cu su Master den Educacion.
Door di su trayecto Natalie sa e balor di haya
e oportunidad pa sigui studia.
26 aña pasa Natalie a casa cu su miho amigo.Hunto nan tin 2 yiu, cada un un storia di milager. Nan fe den Dios ta loke ta
mantene nan hunto como un famia firme.
